.JALAI SALAH SANGGUP NENGAH.
by ASSAN SANEY
ati udah keran
perkara mayuh udah dicherita
makin ari ku makin berani
taja nemu jalai salah
ati makin kempang ngeban ujan nyala
mupuk begadai tudah aku
mai segempung pengerindu
ngarap ka enda layu
ku sayau ka muai rampang bungai
udah dipegai enggai muai ngapa
ati keran amat ka nuan
nemu nuan ukai ungkup diri
sanggup ngelaban arus deras sungai
ngarap ka aku enda lemas
ngarap ka pengerindu tua enda karam di tasik dalam
aku enggai alang-alang
ngarap ka datai di pengakalan alai sangkai
bai ati keran aku sanggup nitih nuan
ngarap nuan enda ngembuan ati ari
pedis amat begulai belalai
bai ati udah rindu aku tetap sanggup
anang aja tua ngelebu pangan diri
pajak ka pejalai tua nyemerai
taja pedis nerima pemendar
tang nya meh jalai ti udah ditentuka
pedis nyamai tua sama ngasai
kati pengujung cherita tua ila ambai
No comments:
Post a Comment